இரண்டு கவிதைகள்

கவிதை ஒன்று

  பஞ்சு ஒட்டியிருக்கும் தலையோடு
எப்போதும் ஒரு கனவை
மிச்சம் வைத்திருக்கிறாள் அருக்காணி
அம்மா சொல்லிக் கொள்கிறாள்
ஜாதகம் எதுவும் கூடி வரவில்லையென்று
இப்போது அவளை
யாரும் பின்தொடர்வதில்லை
எந்தக் கடிதமும்
சலனப்படுத்துவதில்லை
எம்பிள்ளையைப் போல உண்டா என்று
பெருமையாகும் அப்பாவின்
கர்வத்திற்குப் பின்னால்
கரைந்திருக்கிறது
அவள் கொண்ட காதலும்
அவள் மீது கொண்ட காதலும்
***************************************                                                                    ****கவிதை இரண்டு******

     நனறாக சமைப்பாள்
     அவள் வெளுத்தால்தான்
      துணி பளிச்சிடும்
      வீடு வெள்ளையடிக்க
     இவள்தான் அருமை
      ஏகப்பட்ட பெருமைகளுக்கு அடியில்
      முனகிக் கொண்டிருக்கிறது
     ஒரு ராஜகுமாரனைப் பற்றிய கனவு

*****************************&&&&*