கவிதை

உங்களுக்குப் பயனாகுமென
இந்தக் கவிதையின் ஒரு வரியை
ரத்தம் ஒழுக ஒழுக ஒடித்து
கோடைக் குடையாக்கினேன்
வழியெங்கும் நடந்த
களைப்புத் தீரட்டுமென
இந்தக் கவிதையின் சொற்களை
சிறு கூடாரமாக்கினேன்
இன்னும் எவ்வளவு காலமென
சலித்துக் கொள்ளும்
உங்கள் வாழ்வைக் குதூகலமாக்க
கவிதையின் எழுத்துகளை
கோமாளியாக்கி வேடிக்கை காட்ட
கட்டளையாக்கினேன்
இந்தக் கவிதையால் உயிர்த்த உங்கள் கரங்கள் ஏன்
அரிவாளோடு எதிர்கொள்கிறதென்று
முனகிக்கொண்டே இருக்கிறது
எனதிந்த கவிதை